广州凉茶价格联盟

95%广州人未必知道的凉茶,你都喝过了吗?

广州移动2019-07-11 15:01:52

炎炎夏日,容易燥热上火

当然少不了喝凉茶

可是,你真的懂凉茶吗?

今天,四哥携手羊城网为大家做一次科普

带领大家深入了解广东的凉茶

(以下内容,请自行切换粤语频道)

☟☟

世界上有两种人,一种人未饮过广东凉茶

另一种人饮完广东凉茶之后

就被广东凉茶深深深深深深(*n)伤害

从此见到凉茶铺都掉头走


而我系后者

广东潮湿燥热,体内容易上火聚火,所以

广东凉茶系岭南人生活必不可少嘅一部分

最近天气多变,潮湿闷热

周围凉茶铺生意都好咗好多

细个嘅时候,大家都会被阿爸阿妈

呃过/逼过/灌过饮凉茶

我阿妈为咗要我饮碗廿四味

讲过最离谱嘅大话就系——

“凉茶就系凉凉哋噶,一啲都唔苦噶

饮完喉咙就唔痛嗰啦!”


大家可想而知,我饮咗啖凉茶之后——

鉴于大家相似嘅童年经历,下面由广东凉茶

米芝莲评选组亚太区总部——羊城网编辑部

评选出广东凉茶之最

☟☟

最具争议嘅凉茶

鱼腥草茶


鱼腥草,一样大自然嘅神奇之作,长期占据最具争议食物排行榜头三位,中意佢同唔中意嘅人自成两派。鱼腥草茶都系咁,怪中带点腥,腥中透啲怪,有人对其趋之若鹜,亦有人对其避之不及。


最不可描述嘅凉茶

癍痧


冇一个广东人可以搵到准确嘅词语形容出癍痧嘅味道,因为佢夹杂咗苦、涩、酸等多种令人嫌弃味道同口感,令你一饮就即刻想拜拜。所以话,对于广东凉茶,苦只系最轻松嘅体验。


伪装得最好嘅凉茶

板蓝根


点解话板蓝根系伪装得最好嘅凉茶?因为甜到咁,好饮都咁,点似我童年回忆中嘅凉茶啊!我一直当板蓝根系饮料咋!



最冇用嘅凉茶

夏桑菊


喉咙痛、感冒、热气等好多情况下,你都可以饮夏桑菊,但当你饮得多夏桑菊之后,你会发现,夏桑菊真系一啲用都冇,冇咩实际功效,感觉就系饮杯茶嚟压压惊!


对人类最友好嘅凉茶

火麻仁


喺一众令人叫苦连天嘅凉茶之中,火麻仁简直就系对人类最友好嘅凉茶。外表睇起身好似黑暗料理,其实好饮之余又效果显著,通便非常使得。


重新定义你人生嘅凉茶

你阿妈煲嘅凉茶


喺你阿妈眼中,咩草药都可以用嚟煲凉茶,你永远唔知你面前呢碗嘢,究竟系咩家伙?阿妈讲一句“饮咗有益啊”,就算再难顶都要饮晒佢!


一碗妈子凉茶,唔单止重新定义你人生,甚至可以重新定义你娘亲!(亲生阿妈绝对唔会咁对你啦!)



*以上盘点仅供娱乐,大家想饮凉茶,一定要结合自己嘅身体状况选择合适、正规、安全嘅凉茶!


讲咗咁多,好似一直抹黑紧广东凉茶,但每当我喉痛热气,头晕身庆,我第一反应谂到,依然系去凉茶铺饮杯苦到入心入肺嘅凉茶,然后食啲陈皮同嘉应子嚟解苦味!


其实系每个广东人心目中,广东凉茶唔单止系一碗草药煲出嚟嘅苦茶,而系一种深植于脑海中嘅文化情结


呢碗琥珀色嘅苦茶,永远都令我哋引以为荣。


互动话题:

你喜欢喝哪种凉茶?理由是什么?

留言说出你的故事吧~


图片素材来源于网络

本文看点由羊城网原创


点击底部【阅读原文】玩大转盘每天抽2次最高可获2G!

(如有任何疑问,请点击官微菜单“我要查询—在线客服”咨询在线人工客服。)中国移动期待您的10分满意和10分推荐。

 惊喜福利

Copyright © 广州凉茶价格联盟@2017